Cerkak Dhik Mi: Analisis Perang Dunia III

Cerkak Dhik Mi Analisis Perang Dunia III
(tribunnews.com)

Pawonkidulan | Aku ndelok siaran berita luar negeri ning TV, ngetutke perkembangane konflik Iran mungsuh Amerika. Sajake kok bakal gayeng donyane saiki. Para ahli pulitik lan pengamat luar negeri dha ngomong analisis sing aku ra mudheng, amarga kerep nganggo ukara-ukara basa Inggris. Ngerti-ngerti Dhik Mi wis lungguh jejerku.

“Mas..Sida perang ora ta iki? Lha nek rudal-rudal Iran utawa Amerika bablas ning Indonesia njur piye ikiiiih? Aku wedi yen ana Perang Dunia III lho, Mas..”

Dhik Mi sajak kuatir.

“Ora lah Dhik..Lha wong rudal-rudal kuwi wis canggih..Ora bakal mleset amarga dikumpliti nganggo teknologi sing ampuh..Ya ra bakal mleset lah..”

Dhik Mi banjur mesem.

“Iki lagi udan lho, Mas..Yen rudalmu wayah udan ngene bakal mleset ra?”

Lha kok ra ana hubungane karo perang Iran mungsuh Amerika?? Pitakonane Dhik Mi sing kaya ngono kuwi sing marai njeron kathokku kaya kebak lendhut banjir.

Dening: Bacep Bagus Sumartono